Bahru-bayt

[Nigora Umarova]

Хаёт колмок ё улмок? Шудир масала!
Кайси бири булар бизга муносиб?
Шу диолзор фалакнинг тахкирларига
Шикоятсиз-шиквасиз чидаб турмокми?
Йукса унга рад-бадал бериб кузгалмок,
Курол олиб ё енгмок, ё махв булмокми?
Улиш... Унутилиш. Масала тамом.
Танимизга уралган минг-минг ташвишнинг
Занжирин илол-абад узади улим.
Зотан дилнинг азамат армони шу-ку!
Улмок - гафлат тушида ухламок демак.
Тушлар! Кандай тушлар у? Тушлар эмиш-а?
Дунё туйгуларидан тикилган либос
Гурда ечиб олинган булса, у холда
Уликлар уйкусига кирарми тушлар?
Мана , хамма сирларнинг хикмати шунда!
Мана бизнинг хаётда гамларимизнинг
Мухлатин йилдан-йилга чузаётган сир.
Йукса шу киборларнинг жахолатига,
Хокимларнинг жабрига, сохта кибрига,
Шу мунофик мухитнинг айёрлигига,
Бировига хасрат хам килолмасликка,
Мухаббатнинг хору зор эзилишига,
Мардакларнинг кузида хар кандай химмат
Анойилик саналиб топталишига,
Бутун бир разолатга ким чидарди, ким?
Вахоланки, ханжарнинг битта зарбаси
Бу мужмал тугунларни ечар куп осон.
Улимдан сунг, у ёкда нелар булгуси?
У кандай бир диёрки, унга борган куп,
Аммо хануз кайтолган бирон йулчи йук?
Бу вахима ром этар иродамизни,
Номаълум диёрга кочишдан кура -
Бизга таниш балога буламиз рози!..
Йукса тирикчиликнинг зири-борида
Холсираб йурмокликка ким кунарди, ким?
Бас, фикримиз шу тахлит куркоклашади,
Ва аклнинг боши берк кучаларида-
Сулиб кетар биздаги жасорат гули.
Куп умидли, канотли ниятларимиз
Хадеб, нукул оркага силтаниб колиб
Барбод булаётирлар. Энди бас, етар!..

Вильям Шекспир ("Гамлет" дан)

[AbuMuslim]

Эркак ва аёл ҳақинда хаёл

Кўпдир аёллик шаънига
Бефарқ боққан аёллар,
Оқибатда кўз ёшлари
Сойдек оққан аёллар.

Гулдай аёлларинг кириб
Гўзаллик деган уйга,
Гўзал бўлдим деб чиқсалар
Тушиб кулгили кўйга.

Узун сочлар калта бўлиб,
Айланар сап-сариққа,
Ярим очиқ кўкрагида
Кўзинг тушар «ариқ»қа.

Қалин қаро қошлар гўё
Игна мисол терилган,
Қошлар териб ташлашгамас,
Ҳусн учун берилган!

Кўз-қовоқлар кўм-кўк, худди
Эри уч кун ургандай,
Лабга турли бўёқ берган
«Ҳалиги»ни сургандай.

Гулдай юзга уч-тўрт қават
Сунъий сувоқ сувалган,
Бўйнида-чи, шода симлар
Чувалчангдай чувалган.

Бул «ясама қўғирчоқ»қа
Қалбинг қандай очасан,
Тирноқларин кўргандаёқ
Жонинг сақлаб қочасан.

Енг, ёқасиз калта кўйлак
Худди тарс ёрилгудек,
Шуми чирой, бўлсаким ул
Тупроққа қорилгудек?!

Зиён-заҳмат тегмасин, айт,
Аллоҳ берган чиройга,
Ахир пардоз бермаслар-ку,
Доғли саналган ойга.

Бундай «ўздан кетиш»лари
Бўлди ўзидан кетсин,
Босит билиб берган борки,
Чиройга нима етсин!

Баъзи хотин хонадонда
Эрга ташланар тикка,
Хонадонда хўжайиндай
Даъво қилар эрликка.
Эр додини бериб бу «эр»,
Бул иши камдай тағин,
Кўча-кўйда ҳам «зўр» эрур,
Жиловламасдир жағин.

Эр ўрнида кўрмай эрни
Бигиздай бармоқ санча,
Эрни ҳайдаб, боши «очиқ»
Юрганлар сони қанча.

Қилар иши шаробхўрлик,
Тортиб турли тамаки,
Тунларда-чи, турли меҳмон,
Турли-туман «амаки»...

Чала ярим пардоз қилиб,
Қўлга қўйиб хинолар,
Қилар очиқ-ойдин гуноҳ,
Очиқ-ойдин зинолар.

Буни гўё гўзал ҳаёт
Билиб кайфин суришар,
Ё, алҳазар, бу не билсанг,
Башаралар буришар.

Дегинг келар «Аёл бўлиб
Бурчинг билганинг қани?!,
Эрга аёл итоати –
Бу Ҳаққа бош эггани!

Унутмагин аёллигинг
Ҳар кеч, ҳар тонг эрталаб,
Ҳақ асрасин бўлишингдан
Ҳар кун ҳар хил эр талаб!».
Ҳар аёлда иффат, иймон
Бўлмасин ҳеч мосуво,*
Ҳар аёлга инсоф истаб
Қўл очиб қилгум дуо...

Нима бўлди кўп эрларга,
Балки жинлар чалишган?!
Назаримда, кийимлари
Хотин билан алишган.

Бозор, кўча айланарлар
Кийиб ич кийимини,
Чунки хотин тортиб олган
Устга кияр шимини.

Шим деб кийган калта шими
Аранг ёпар сонини,
Балки кўз-кўз қилмоқ бўлар
Эркаклик нишонини?!

Ахир тўғри киймайсанми,
Ота-бобонг не кийган,
Алар кофирча кийимдан
Ҳар дам ўзларин тийган.

Сочлар сал кам белда, тайёр
Пилик солиб ўргудай,
Чин инсоннинг бу ҳолатни
Кўзи йўқдир кўргудай.

Ҳужжатида эркак бўлиб,
Қулоққа тақса балдоқ,
Ўз эркаклик вазифасин
Бажараркан ул қандоқ?!

Яна қизиқ, қўл-бўйинга
Турли тақин тақишлар,
Тутиб турли тамакини,
Чапиллатар сақичлар.

Отилгайдир оғизлардан
Ҳар турли шалоқ сўзлар,
Бир маъно йўқ жаланглаган
Кўзлар фойдани «кўзлар».

Бундай ҳол бор барча юртда,
Ҳар бир қишлоқ, овулда,
Чунки хаёл Ҳақда эмас,
Хаёллар бари пулда!

Хаёлларда ҳар беҳаё
Харом ишни ўйлашлар,
Ўйламасдир оиласин,
Хаёлида «ўйнаш»лар.

Яна не деб таъриф қилай
Зотингнинг бундай касин?
Таъриф тамом... Тез айт унга,
Тезроқ қилсин тавбасин!

Гўзал бўлсин ҳар ҳолатинг,
Сўзларинг бўлсин болдай,
Эркак эркак бўлиб қолсин,
Аёл қолсин аёлдай!

Сўзларим ноўрин бўлса
Мендан қилмагил араз,
Истарамки, сендан кетсин
Ҳар турли иллат, мараз!

Ширин бўлсин сўзинг, бўлсин
Қалб гўзал, иймон гўзал,
Барча дил бир гўзал бўлса
Бўлгайдур ҳар ён гўзал!

Гўзал сўзи недур ўзи? –
Аввал Ҳаққа ёқишдир,
Барча бирдай ул нарсага
Ҳавас билан боқишдир!



Абдуғофур Собир Мирзо

[Nigora Umarova]

Сообщение от AbuMuslim

Эркак ва аёл ҳақинда хаёл

Гўзал сўзи недур ўзи? –
Аввал Ҳаққа ёқишдир,
Барча бирдай ул нарсага
Ҳавас билан боқишдир!



Абдуғофур Собир Мирзо

Hurmatli AbuMuslim!
Nihoyatda ta'sirlik she'r yozibsiz. Faqat bu bo'limda she'rlarni bahru bayt tarzida aytishni kelishib olgandik.
Balkim, mushoira ishtirokchilari "Dildagi gaplar" deb boshqa sahifa ochsakmikan dardli she'rlarga? Nima deysiz?...

[AbuMuslim]

Сообщение от Nigora Umarova

Hurmatli AbuMuslim!
Nihoyatda ta'sirlik she'r yozibsiz. Faqat bu bo'limda she'rlarni bahru bayt tarzida aytishni kelishib olgandik.
Balkim, mushoira ishtirokchilari "Dildagi gaplar" deb boshqa sahifa ochsakmikan dardli she'rlarga? Nima deysiz?...

Тўғри айтасиз... мен эътибор килмапман...

"Dildagi gaplar" хакидаги сахифа очишингиз яхши фикр бўлибди...

[Nigora Umarova]

Сообщение от AbuMuslim

Тўғри айтасиз... мен эътибор килмапман...

"Dildagi gaplar" хакидаги сахифа очишингиз яхши фикр бўлибди...

Demak, "Dildagi gaplar" sahifasining birinchi xabarini siz boshlab berarkanisz. :-)

[Nigora Umarova]

Сообщение от AbuMuslim

[LEFT]
Гўзал сўзи недур ўзи? –
Аввал Ҳаққа ёқишдир,
Барча бирдай ул нарсага
Ҳавас билан боқишдир!

Рахмат ёгдирди Оллох-
Дилингга тушди ёгду.
Тош, хаво, барг - кенг дунё
Чолгу - кулингда чолгу.
Когозга тушар шунда
Хак сузлар ногох-ногох-
Гуё хадис айтмокни
Пайгамбар курган раво.
Хар сузинг - Хакка чорлаш.
Хар бир сузинг- истигфор.
Хар сузинг- дилни поклаш-
"Дил ба ёру даст ба кор".
Чин сузга фано йукдур,
Ростлиг ичинда Тангри.
Хар бир чин суз ичра, ох,
Минглаб куйганнинг багри.
Рахмат ёгдирар Оллох,
Дилингга тушар ёгду-
Дардлардаги жаъми "ох"-
Чолгу - юракда чолгу.
Ларза тушади жонга,
Бир онга йулинг равшан.
Сен умрингни бир онга
Жо этолмай йиглайсан.

Усмон Азим

[Sparc]

Сообщение от Firdavs

Мeнгa қaнот бeринг...

Нақадар таниш сўзлар...
Афсуски айрим ҳолларда "берилган қанот" кутилган натижага олиб келмайди.

[Masud Mahsudov]

ON:


Нега шеър ёзмайин, этмайин ижод?!
Нега қалбимдагин сочиб тўкмайин?!
Ахир шу ёш юрак этганда фарёд,
Сатр келаверар ёзганим сайин.

Ижодим – ишончим – сирим ишонган,
Ҳаётга умидим, ҳам тожу тахтим.
Ёшлик сурурини инъом этолган,
Ҳеч қачон тарк этмас ягона бахтим.

Ойдин кечаларда дардларга дармон,
Қувончга ҳамроздир шодон онларда.
Дилимда яширин, ушалмас армон,
Унда мужассамдир, этгумдир баён...

Шеърим – туйғуларим этган ифода,
Шеърим – етолмаган чин муҳаббатим.
Шеърим – бу туганмас темир ирода,
Шеърим – ўйларимда етган сарҳадим.

Сообщение от Sparc

Нақадар таниш сўзлар...
Афсуски айрим ҳолларда "берилган қанот" кутилган натижага олиб келмайди.

OFF: Inshaallah, "berilgan qanot" dan oqilona foydalanib, ko'zlangan natijaga erishishga harakat qilamiz... Balki bizlarni ko'p to'siqlar kutayotgandir...lekin, hayot mana shunday to'siqlari bilan qiziq... ;-)

[Nigora Umarova]

Mana, bir umrni yashadim sensiz,
Qaytmas shodliklarning qaytishin kutib,
Tobuting boshida cho’kkanimda tiz,
Farzandlar ko’tardi qo’limdan tutib.
Shundan beri tikman. Har nega qalqon,
Baxtga, bahorga ham, qishga, qayg’uga.
Birov azasida yig’layman qon-qon,
To’yida yayrayman o’xshab ohuga.
Lekin qolganimda qalbim-la tanho,
Tuyg’ular zoriga solganda quloq.
O’zni zaif, chanqoq sezganda goho,
Alamdan beraman javobsiz so’roq:
Tirik ekan nega tashlab ketmading?
Mendan nafisroqning husniga oshiq,
Mendan yoniqrog’i tortmadi sani,
Edi nigohingga bor jannat ochiq,
Seni majnun etib bir yer go’zali,
Nega meni tashlab ketavermading?
Tirik ayrilishning dog’I og’irmish,
Xo’rlik kemirarmish umrni chaynab!
Bu-mudhish egovga berardim turish,
Ketsang ham menga jon tuyg’ungdan aynab.
Bilardim, qaydadir olasan nafas,
Murakkab bu dunyo sen-chun ham tirik.
Senga yot-noshudlik, tund ruhlik, qafas,
Bugungi qadaming kechadan yirik.
Nega, nega meni tashlab ketmading?
Bilaman, rashk meni etardi halok,
Afzal ko’rganingni qarg’ab o’tardim,
Izingdan yurmasdim soyaday g’amnok,
Hayotda men uchun qolarding tirik,
Qalaming mujdasin kutardim mushtoq.
Ma’yus taqdiringga yashab men sherik,
Mushkul bo’layotir shodlik yaratmoq.
Nega tirik ekan tashlab ketmading,
Tashlab ketmading-da, boshlab ketmading?!

Zulfiya

[Akhmad Kodirov]

Gulim, sovuq boqma, qo'rqaman,
Qo'rqaman boz bo'ladi paydo -
Olti qit'a, to'rt bahri ulkan,
Huvillagan dahshatli fazo...

Hayajonu zavqdan begona,
Tinch daryoday jim oqdi umrim.
U zamonlar sen bir afsona,
U payt hali yo'q eding, qumrim.

Vahimali, cheki yo'q olam,
Bag'rida har sharpadan cho'chib
Yashadim men - eng mitti odam,
Goh miltirab, gohida o'chib.

So'ng sen kelding sevib, o'rtanib,
Panohimga, mehrimga mushtoq.
Yoningdaman, qo'rqma, sevgilim,
Men naqadar qudratliman, boq!

Sehrgarman, ko'k shevasida
Yulduzlar-la so'ylay olaman.
Mast erurman ishq kemasida,
To'fonlarda o'ynay olaman.

Men saxiyman - kim istasa baxt
Ko'ksin nurga to'ldiradurman.
Oyni ko'kdan uzib olib dast
Peshonangga qo'ndiradurman.

Usmon Azim